"Ulan at Luha" ni: Perfect Zero

[Archivist]

"Ulan at Luha"
ni: Perfect Zero


Sa bawat pagpatak at pagbuhos ng ulan
Sa aking isipa’y, sumasagi ang nakaraan
Masakit na alaala kinakalimutang pilit
Panibagong umaga aking iginigiit.

Madilim na kalangitan, ulang ayaw magpatigil
Pusong nsasaktan, damdaming di mapigil
Patuloy ang pagbaha, patuloy ang pagluha
Ng pusong sawi sa kanyang pagdurusa.

Patak ng ulan patuloy na dumarampi
Sa aking mukhang pagod na sa paghikbi
Kung ikaw ulan ay sadyang hihinto,
Pakiusap, dalhin ang sakit sa iyong paglayo!

Panibagong umaga aking haharapin
Lalim ng baha, aking susuungin
Ang ulap at mata ay sadyang magkapareha
Bumabagsak na lang ang 'ulan at luha'.

Wakas