Unang Tula

[Vermeil Crescent]

“Kapanglawan”

Dumadampi ang lamig ng hangin ng gabi;
Larawan ng nakaraan ay bumabakas sa pisngi;
Labi’y nais umawit sa lumbay ng sandali;
Habang mumunting alaala’y paulit-ulit na sumasagi.

Sa kailaliman ng pag-iisip ay may nagugunita;
Ang kislap ng kahapon wari’y nagpapakita;
Lungkot at saya’y sabay na nadarama;
Muling sumusulyap ang aking mga mata.

May halimuyak na dala, ang himig ng pag-iisa;
Kariktan ng mga bituin, may liwanag at kalinga;
Lawak ng kalangitan, kaygandang ipinta;
Upang maipahayag, mga lihim na pagsinta.

Sa isang tabi’y naramdaman and dahop ng buhay;
Sisirin ang lalim ng mga luhang nagsasalaysay;
Sa kabila’y naroon ang mga kaibigang tunay;
Kagalakang dala nila’y walang kapantay.

May tamis at pait ang mga nagdaang taon;
May mga pangungulilang di masabayan ng panahon;
May mga sugat na kaytagal man maghilom;
Kukupkupin pa rin ng makabuluhang ngayon.

Ng aking masdan, salamin ng ibang buhay;
May masisidhing kuwento at kani-kaniyang kulay;
Sa bawat lakas at kahinaang taglay;
Mabudhing pasasalamat ang pinagpupugay.

Muling umihip ang simoy na nawaglit;
Dahil sa pagmumuni, mata’y pumikit;
Sa pagpatak ng luha’y nawala ang sakit;
Ng kapanglawan na sa aki’y pumipilit.

---------------------------------------------------------------------------

Ayan. Di ko akalain non na mkkpagsulat aq ng tula sa wikang tagalog. Napilitan kasi para sa Filipino project naming newspaper nung 2nd year. ^^')

[Paradoxymoron]

Unang tula nga. Salamat sa pagbabahagi samin ng iyong tula ate. ^^,


Nagtataka nga ako, parang ang hirap magsulat ng tula sa wikang Tagalog samantalng ito namn ang ating pangunahing wika.
kung di lang kailangan e baka d n makapag sulat. wag naman sana.

[Vermeil Crescent]

waw tgalog na tgalog n reply. onga eh bkit nga ba ganun ^^'? parang and dami kasing words na kailangan pag sa tgalog mgsusulat. xD pero mganda nman kung tutuusin

[Paradoxymoron]

Syempre ate. Dapat tagalog lang dito hehe. May bayad n piso pag nagsalita ng wikang Ingles. ^^,
madami kasing silabo ang mga salita sa wikang tagalog, kaya humahaba.

Maganda naman sya, nakokornihan lang yung iba. Buti na lang dumating si Bob Ong at binalik ang respeto s wikang Filipino.

[Vermeil Crescent]

may anim na piso na ako. xD kasama ung typo na ngayon ko lang napansin ^^' hehe. hayskul ito.
...sa totoo lang, wala pa akong nababasa na libro ni bob ong. dami ko lang ntatanggap na txtquots nya^^mukhang mdami siyang nabighani sa mga sinulat niya

[Paradoxymoron]

^ hmmm... opo, marami naman, para kasi sya yung modernong makatang Pilipino, hindi masyadong gumagamit nung masyadong malalalim n Tagalog, pero maganda p rin ang kinalabasan ng mga sinulat nya.