Kape sa magdamag

[Polaris]

i wrote this almost 2 years ago



"Kape sa magdamag"
By m.paolo macariola
a.k.a. polaris

Binuhos ko
ang isang paketeng nescafe
sa kaldero ng kumukulong tubig
sa pagbabakasakaling
ang pagsasama ng pait at init
ay mas may kakayahang
pumaso at lumapnos ng labi
isasama ko na rin
ang isang basong asukal
sa kagustuhang mapagtakpan
ng tamis ang kumukulong pait
huli ko namang ihahalo ang gatas
kahit na alam kong
kahit kaila'y hindi nito mapapaputi
ang mga bagay
na likas ng maitim

mabilis ko itong hahaluin
pakaliwa
pakanan
pakaliwa
pakanan
hangang sa mapagisa ko
ang nescafe, asukal at gatas
hangang mapagisa ko
ang pait, tamis at pagpapangap

tapos na akong magtimpla
ng kape para sa magdamag
ngunit wala ka na
sarili ko nalang pala
ang siyang kukumbinsihin
na masarap ang pinaghalo halong
nescafe, asukal at gatas
mag-isa ko nalang rin pala
sisimulang ubusin
ang tinimpa kong pait, tamis at pagpapangap

[Paradoxymoron]

Isa to s mga pinakakagusto ko s mga gawa mo. hehe

Eto alng po masasabi ko:
ung sa paggamit mo ng "nescafe", hindi naman bawal paggamit nun pero para sakin dapat iwasan yun. hehe. pwede naman ung kape lang d b?

tapos ung mapagisa, una kong intindi dyan e parang igigisa ung kape, asukal at gatas.
"mapag-isa" b ibig mong sabihin dun?


ayun lang naman. maganda itong tulang ito. ^^.